من وين ياخويه ابتدي @ صدري لهيبه يستعر
كل المصايب هالجرت @ للآل فتت للصخر
أحجي عن فاطم هضيمه @ بالقاع محسنها انتثر
لو أحجي عن حيدر إمامي @ بمحرابه راسه منطبر
وهذا الحبيب المجتبى @بالسم جبده منفطر
لكن إذا ردتوا المصاب @ عندي حجي يضيق الصدر
هذا الحسين بعيلته @من طيبه طالع معتذر
راح العراق بكربلا @ ومنها المصايب تنتشر
بيها انذبح شبه النبي @ واوصاله كلها تنتثر
بيها عريس كالقمر @ حناه من دم النحر
بيها بطل عالمشرعه @ راسه بعامود انفطر
وايدينه منه مقطعه @ والعين مصيوبه بغدر
بيها رضيع ومنذبح @ وش ذنبه جاوب يا عمر
و اما المصيبه المفجعه @ لمن وقع سيد البشر
لمن إجاله بالجبين @ من هالملاعين الحجر
وبقلبه جاله هالسهم @ ثلثين من قلبه انشطر
وجاله اللعين ابن اللعين @ هذا اللي يسمونه شمر
كبه على وجهه الشريف @ وصار يفري للنحر
صارت خيول الأعوجيه @ ترض منه هالصدر
واخيام زينب تلتهب @ والنار بيها تستعر
وزينب يسيره مسلبه @ تدخل مجالس هالبشر
لكن إذا ردتوا الحقيقه @ الحسين اللي انتصر
شوفوا هاليوم الألوف @بحضرته مثل البحر
سمعوا ذكره بكل مكان @ بكل زمان وكل دهر
لكن يزيد وصحبته @ صارت مزابل للبشر
شوفوا ضرايح شامخه @ ويزيد ماله أي ذكر
تـــحياتي
